ក្រុម Tiffy ARMY FC ត្រូវប្រជែងជើងឯកជាមួយ ក្រុម ភ្នំពេញក្រោន ពានរង្វាន់ Prince Beer Pre-Season Cup 2022

ក្រុម Tiffy ARMY FC ត្រូវប្រជែងជើងឯកជាមួយ ក្រុម ភ្នំពេញក្រោន ពានរង្វាន់ Prince Beer Pre-Season Cup 2022 ក្រោយក្រុមទាំងបានយកឈ្នះគូប្រកួតរៀងខ្លួននៅវគ្គពាក់កណ្តាលផ្តាច់ព្រ័ត្រ កាលពីម្សិលមិញ ។

ក្រុម Tiffy ARMY FC បានប្រកួតយកឈ្នះ ក្រុមវិសាខា ក្នុងលទ្ធផល ៣ទល់០ រកបានដោយកីឡាករ ជប៉ុន TAKUMU ១គ្រាប់ ,និង២គ្រាប់ទៀត រកបានដោយ ញាណ សុស៊ីដាន ។ រីឯក្រុមភ្នំពេញក្រោន យកឈ្នះព្រៃវែង ១ទល់០ រកបានដោយកីឡាករ NETO ពីបាល់ពិន័យ១១ ម៉ែត ។ លទ្ធផលនេះបានធ្វើក្រុមទាំង២ ឡើងទៅវគ្គផ្តាច់ដើម្បីប្រជែងពានរង្វាន់ Prince Beer Pre-Season Cup 2022 នៅល្ងាចថ្ងៃទី០២ ខែកុម្ភៈ ឆ្នាំ២០២២ នាកីឡដ្ឋានព្រីនស៍ ។

សូមបញ្ជាក់ថា ពានរង្វាន់ Prince Beer Pre-Season Cup 2022 មាន៦ក្រុមចូលរួម គឺក្រុម ភ្នំពេញក្រោន, វិសាខា, បឹងកេត, ព្រៃវែង, គិរីវង់សុខសែនជ័យ និងសមាគមកីឡាបាល់ទាត់កងយោធពលខេមរភូមិន្ទ Tiffy ARMY FC ដោយប្រើប្រាស់កីឡដ្ឋានព្រីនស៍ និងកីឡដ្ឋានកងយោធពលខេមរភូមិន្ទ (ស្តាតចាស់)។ ពានរង្វាន់នេះ ធ្វើឡើងគឺដើម្បីត្រៀមខ្លួន បើករដូវកាលថ្មី នៃពានរង្វាន់លីគកំពូលកម្ពុជា ឆ្នាំ២០២២ ខាងមុខនេះ ៕