កីឡាករខ្សែប្រយុទ្ធឆ្នើម ស៊ិន កក្កដា រកបាន៣គ្រាប់ម្នាក់ឯក ជួយឲ្យក្រុមបាល់ទាត់វីសាខាឡើងវគ្គបន្តនៃពានរង្វាន់ Hun Sen Cup 2024 2025

ភ្នំពេញ ៖ កីឡាកររឆ្នើម ស៊ិន កក្កដា របស់ក្រុមបាល់ទាត់វីសាខាស៊ុតបញ្ចូលទីបានរហូតដល់ ៣ គ្រាប់ ដែលជួយឲ្យក្រុមបាល់ទាត់វីសាខាយកឈ្នះលើក្រុមបាល់ទាត់ Tiffy Army ក្នុងលទ្ធផលបច្ចេកទេស ៤ ទល់នឹង០ ក្នុងព្រឹត្តិការណ៍ការប្រកួតកីឡាបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន “Hun Sen Cup 2024-25 ” លើកទី១៨ (ថ្នាក់ជាតិ) ឆ្នាំ២០២៤/២៥ នៃការប្រកួតជើងទី២នៅវគ្គ ១/៤ ផ្ដាច់ព្រ័ត្រ នាថ្ងៃទី២ ខែមេសា។

ការប្រកួតយប់មិញក្រុមបាល់ទាត់វីសាខាធ្វើបានល្អឥតខ្ចោះជាមួយទេពកោសល្យពីកំណើតរបស់កីឡាករខ្សែប្រយុទ្ធឆ្នើម ស៊ិន កក្កដារូបនេះចំពោះការប្រកួតជើងទី២ វគ្គ ១/៤ ផ្ដាច់ព្រ័ត្រក្នុងពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៨នេះដោយស៊ុតបញ្ចូលទីបានរហូតដល់ ៣ គ្រាប់តែម្នាក់ឯង និងកីឡាករមិត្តរួមក្រុមរកបាន១គ្រាប់ទៀត។

ចំពោះការប្រកួតជើងទី១ វគ្គ ១/៤ ផ្ដាច់ព្រ័ត្រ នៃការប្រកួតកីឡាបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ក្រុមបាល់ទាត់វីសាខាបានប្រកួតស្មើក្រុមបាល់ទាត់ Tiffy Army លទ្ធផលបច្ចេកទេស២ទល់នឹង ២ ដូច្នេះទំាងជើង២ ក្រុមបាល់ទាត់វីសាខាយកឈ្នះលើក្រុមបាល់ទាត់ Tiffy Army ក្នុងលទ្ធផលបច្ចេកទេស ៦ ទល់នឹង២។
កីឡាករខ្សែប្រយុទ្ធឆ្នើម ស៊ិន កក្កដាបានក្លាយជាវិរបុរសរបស់ក្រុមបាល់ទាត់វីសាខា បន្ទាប់ពីកីឡាកររូបនេះបានជួយក្រុមបាល់ទាត់វីសាខាឡើងទៅវគ្គបន្តទៀត ក្រោយរូបនេះស៊ុតបញ្ជូលទីបំប៉ោងសំណាញ់ក្រុមបាល់ទាត់ Tiffy Army ការប្រកួតជើងទី១បាន ៣ គ្រាប់៕