នារសៀលនេះ ! ក្រុមបាល់ទាត់ SCV FC ប៉ះក្រុមមន្ទីរបណ្តុះបណ្តាល វិជ្ជាជីវៈ នៃការប្រកួតបាល់ទាត់ ពានរង្វាន់ខេត្តកណ្តាល អបអរសាទរទិវាជ័យជម្នះ ៧ មករា ប្រចាំឆ្នាំ២០២៥

ខេត្តកណ្តាល ៖ នារសៀលថ្ងៃទី៨ ខែមករា ឆ្នាំ២០២៥ ក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ ត្រូវប៉ះជាមួយក្រុមបាល់ទាត់ SCV FC នៅវគ្គផ្តាច់ព្រ័ត្រ ដើម្បីប្រជែងជើងឯក នៃព្រឹត្តិការណ៍ការប្រកួតកីឡាបាល់ទាត់ ដែលរៀបចំដោយខេត្តកណ្តាល ដើម្បីអបអរសាទរខួបអនុស្សាវរីយ៍លើកទី៤៦ ទិវាជ័យជម្នះ ៧ មករា ឆ្នាំ១៩៧៩ -៧មករា ឆ្នាំ២០២៥ បន្ទាប់ពីក្រុមទាំង ២ បានយកឈ្នះលើគូប្រកួតរៀងៗខ្លួន ។

សម្រាប់ការប្រកួតវគ្គពាក់កណ្តាលវគ្គផ្តាច់ព្រ័ត្រ ក្រុមបាល់ទាត់ SCV FC បានយកឈ្នះលើ ក្រុមបាល់ទាត់ យុវជនវត្តសិរីបន្ទាយដែក ក្នុងលទ្ធផលបច្ចេកទេស ២ ទល់នឹង ០ ចំណែកក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ បានយកឈ្នះ ក្រុមបាល់ទាត់យុវជនជ្រោយមេត្រី ក្នុងលទ្ធផលបច្ចេកទេស ៤ ទល់នឹង ២។ ដូច្នេះក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ និងក្រុមបាល់ទាត់ SCV FC ឡើងវគ្គផ្តាច់ព្រ័ត្រ ប្រកួតប្រជែងជើងឯក រីឯក្រុមបាល់ទាត់ យុវជនវត្តសិរីបន្ទាយដែក ជួបក្រុមបាល់ទាត់ យុវជនជ្រោយមេត្រីប្រជែង យកចំណាត់ថ្នាក់លេខ ៣ ។

សម្រាប់ការប្រកួតកីឡាបាល់ទាត់ អបអរសាទរខួបអនុស្សាវរីយ៍លើកទី៤៦ ទិវាជ័យជម្នះ ៧មករា ១៩៧៩-៧មករា ឆ្នាំ២០២៥ មាន១៦ ក្រុមចូលរួមប្រកួតប្រជែង ដោយប្រើរូបមន្ត ប្រកួតចាញ់ធ្លាក់បានដំណើរការប្រកួតតាំងពីថ្ងៃទី៣ ដោយគ្រោងនឹងបិទបញ្ចប់នាល្ងាចថ្ងៃទី ៨ ខែ មករា ឆ្នាំ២០២៥ នៅទីលានពហុកីឡដ្ឋានបាល់ទាត់ខេត្តកណ្តាល៕

អត្ថបទ ៖ គោព្រៃ