ការបូកសរុបការងារឆ្នាំ ២០២៤ និងទិសដៅការងារឆ្នាំ ២០២៥ របស់គណៈកម្មាធិការជាតិស្ប៉េស្យាល់អូឡាំពិកកម្ពុជា
ភ្នំពេញ ៖ នៅថ្ងៃទី ២៧ ខែមីនា ឆ្នាំ ២០២៥ លោក សែម សុខា រដ្ឋលេខាធិការ និងជាអនុប្រធានគណៈកម្មាធិការជាតិស្ប៉េស្យាល់អូឡាំពិកកម្ពុជា បានតំណាងលោក ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ចូលរួមពិធីមហាសន្និបាតបូកសរុបការងារឆ្នាំ ២០២៤ និងលើកទិសដៅការងារឆ្នាំ ២០២៥។
ក្នុងឱកាសនេះ លោក សែម សុខា បានវាយតម្លៃខ្ពស់ចំពោះការខិតខំប្រឹងប្រែងរបស់គណៈកម្មាធិការជាតិស្ប៉េស្យាល់អូឡាំពិកកម្ពុជា ក្នុងការលើកស្ទួយវិស័យកីឡាសម្រាប់ជនពិការខ្សោយសតិបញ្ញា និងការពង្រីកចលនាកីឡានៅបណ្តាខេត្តនានា។ គណៈកម្មាធិការជាតិស្ប៉េស្យាល់អូឡាំពិកកម្ពុជាបានបន្តកិច្ចសហការជាមួយអង្គការជាតិ និងអន្តរជាតិ ដើម្បីផ្តល់ឱកាសឲ្យជនពិការបានចូលរួមសកម្មភាពសង្គមតាមរយៈកីឡា។
ទិសដៅសកម្មភាពការងារសម្រាប់ឆ្នាំ ២០២៥
- ខែមីនា: មហាសន្និបាតបូកសរុបការងារឆ្នាំ ២០២៤ និងទិសដៅឆ្នាំ ២០២៥ (ភ្នំពេញ)
- ខែឧសភា: កម្មវិធីត្រួតពិនិត្យសុខភាព និងកីឡាសម្រាប់ក្មេងបញ្ញាខ្សោយ ២-៧ ឆ្នាំ (ភ្នំពេញ)
- ខែមិថុនា: កម្មវិធីកីឡាសម្រាប់ក្មេងបញ្ញាខ្សោយ ២-៧ ឆ្នាំ (ខេត្តកណ្ដាល)
- ខែកក្ដដា: ការប្រកួតថ្នាក់រាជធានី-ខេត្ត (ខេត្តព្រៃវែង)
- ខែសីហា: ការប្រកួតថ្នាក់រាជធានី-ខេត្ត (ខេត្តកំពង់ធំ)
- ខែកញ្ញា: ការប្រកួតថ្នាក់រាជធានី-ខេត្ត (ខេត្តកំពង់ស្ពឺ, ខេត្តបាត់ដំបង)
- ខែតុលា: វគ្គបណ្ដុះបណ្ដាលគ្រូបង្វឹកកីឡាស្ប៉េស្យាល់អូឡាំពិក (ខេត្តប៉ៃលិន, ខេត្តកោះកុង, ខេត្តកែប)
- ខែតុលា: សន្និសីទភាពជាអ្នកដឹកនាំ Leadership Conference (ប្រទេសថៃ)
- ខែវិច្ឆិកា: ការប្រកួតថ្នាក់តំបន់អាស៊ីអាគ្នេយ៍ Southeast Asia Football (ឥណ្ឌូណេស៊ី)
- ខែវិច្ឆិកា: ការប្រកួតថ្នាក់ជាតិ និងវេទិកាអាណាព្យាបាល (ភ្នំពេញ)
គណៈកម្មាធិការជាតិស្ប៉េស្យាល់អូឡាំពិកកម្ពុជា បានបញ្ជាក់ថា ការពង្រឹង និងអភិវឌ្ឍវិស័យកីឡាសម្រាប់ជនពិការខ្សោយសតិបញ្ញា គឺអាស្រ័យលើការគាំទ្រ និងការឧបត្ថម្ភពីរាជរដ្ឋាភិបាល អង្គការជាតិ អន្តរជាតិ និងសប្បុរសជន។
