Thomas Tuchel នឹងចាកចេញពី Bayern Munich នៅរដូវក្តៅ

បើតាមការចុះផ្សាយរបស់ skysports បានអោយដឹងថា Bayern Munich គ្រោងនឹងចែកផ្លូវជាមួយ Thomas Tuchel នៅចុងបញ្ចប់រដូវក្តៅនេះ ខណៈអតីតអ្នកចាត់ការ Manchester United លោក Ole Gunnar Solskjaer គឺជាបេក្ខភាពមួយរូបដែលគេសម្លឹងមើលឃើញថាអាចទៅដឹកនាំក្រុមអាល្លឺម៉ង់ ។

ប្រភពខាងលើក៏បានបង្ហើបដែលថា ក្នុងចំណោចបេក្ខដែលក្រុម ម្ចាស់ជើងឯក Bundesliga សម្លឹងឃើញមានដូចជា Xabi Alonso លោក Zinedine Zidane និង Ole Gunnar Solskjaer ផងដែរ។
សម្ពាធបានកើនឡើងលើ Tuchel បន្ទាប់ពីការចាញ់ 3-2 កាលពីថ្ងៃអាទិត្យជាមួយ Bochum បានធ្វើឱ្យក្រុមរបស់គាត់មានគម្លៀត៨ពិន្ទុតាមពីក្រោយក្រុមកំពូលតារាង Bundesliga របស់ Alonso Bayer Leverkusen ។
ប្រឈមមុខនឹងរដូវកាលដែលគ្មានពានរង្វាន់ជាលើកដំបូងក្នុងរយៈពេល ១២ ឆ្នាំ ផែនការចម្បងរបស់ Bayern គឺឈានដល់ចុងបញ្ចប់នៃយុទ្ធនាការជាមួយ Tuchel ហើយវាយតម្លៃស្ថានភាព ប៉ុន្តែពួកគេបានប្រកាសកាលពីថ្ងៃពុធថា អតីតគ្រូបង្វឹក Chelsea នឹងចាកចេញពីក្លឹប។

លោក Tuchel បាននិយាយថា “យើងបានយល់ព្រមថាយើងនឹងបញ្ចប់ទំនាក់ទំនងការងាររបស់យើងនៅចុងបញ្ចប់នៃរដូវកាលនេះ” ។ “រហូតមកដល់ពេលនេះ ខ្ញុំនឹងបន្តធ្វើអ្វីគ្រប់យ៉ាងដែលខ្ញុំអាចធ្វើបានជាមួយក្រុមដែលខ្ញុំ កំពុងដឹកនាំអោយមានភាពល្អប្រសើជាងនេះ “។
នាយកប្រតិបត្តិក្លឹប Bayern លោក Jan-Christian Dreesen ក៏បានបញ្ជាក់ នៅក្នុងការសន្ទនាបើកចំហមួយ បានអោយដឹងដែរថា យើងបានឈានដល់ការសម្រេចចិត្តដើម្បីបញ្ចប់កិច្ចសហការគ្នាក្នុងរដូវក្តៅ។ គោលដៅរបស់យើងគឺអនុវត្តការកែទម្រង់កីឡាជាមួយនឹងគ្រូបង្វឹកថ្មីសម្រាប់រដូវកាល 2024/25 ។

ប្រែសម្រួលពី ៖ skysports