Van Dijk ជាតារាសំណាងរបស់ហង្សក្រហម នៅចុងម៉ោង នៃវគ្គផ្តាច់ព្រ័ត្រ Carabao Cup
ខ្សែការពារកណ្តាល Virgil van Dijk បានក្លាយជាតារាសំណាង ដែលបានជួយក្រុមហង្ស ក្រហម Liverpool ក្លាយជាម្ចាស់ជើងឯកពានរង្វាន់ Carabao Cup កាលពីយប់មិញយ៉ាង អស្ចារ្យ ។
ក្រោយឈ្នះការប្រកួតអ្នកចាត់ការក្រុម Liverpool លោក Jurgen Klopp បានហៅជ័យជម្នះនៃការលើកពាន Carabao Cup ដែលបានឈ្នះក្រុម Chelsea ដោយគ្រាប់បាល់ចុងម៉ោងថាជា “ពានរង្វាន់ពិសេសបំផុត” ដែលគាត់មិនធ្លាប់ឈ្នះ។បុរសសញ្ជាតិអាឡឺម៉ង់បានលើកពានរង្វាន់ទី១០ របស់គាត់ក្នុងនាមជាគ្រូបង្វឹក Liverpool នៅ Wembley បន្ទាប់ពីប្រធានក្រុម Virgil van Dijk បានរកគ្រាប់បាល់នៅចុងម៉ោងសម្រាប់ក្រុមហង្សក្រហម ។ Klopp បាននិយាយថា “ក្នុងរយៈពេល 20 ឆ្នាំរបស់ខ្ញុំ នេះគឺជាពានរង្វាន់ដ៏ពិសេសបំផុត” ។”ខ្ញុំមិនសូវខ្វល់ពីកេរដំណែលរបស់ខ្ញុំទេ។ ខ្ញុំមិនមកទីនេះដើម្បីបង្កើតវាទេ។ វាពិសេសណាស់”។Liverpool មិនមានកីឡាករសំខាន់ៗមួយចំនួនដោយសាររបួស រួមទាំងខ្សែប្រយុទ្ធ Mohamed Salah, Diogo Jota និង Darwin Nunez។ការតែតបាល់បញ្ចូលទីរបស់កីឡាករ Virgil van Dijk ចូលដល់ម៉ោងបន្ថែមបានជួយឱ្យ Liverpool ទទួលបានជ័យជម្នះយ៉ាងអស្ចារ្យក្នុងវគ្គផ្តាច់ព្រ័ត្រ Carabao Cup លើក្រុម Chelsea នៅកីឡដ្ឋាន Wembley ។
សម្រាប់ជ័យជំនះនេះបានផ្តល់ឱ្យក្រុម Anfield នូវកំណត់ត្រាឈ្នះពានរង្វាន់ EFL Cup ជាលើកទី ១០ ក្នុងរដូវកាលចុងក្រោយរបស់លោក Klopp ជាមួយក្លឹប។