រកឃើញក្រុមជើងឯក ពានរង្វាន់បាល់ទះ GVA ដែលរៀបចំលើកទី១

បន្ទាប់ពីបានធ្វើការប្រកួតអស់រយៈពេលជាច្រើនថ្ងៃ ទីបំផុត ជ័យលាភីនៃការប្រកួតបាល់ទះ
ពានរង្វាន់GVAលើកទី១ ឆ្នាំ២០២៤ បានស្វែងរកឃើញក្រុមជើងឯកហើយ ។
សម្រាប់ការប្រកួតនេះបានរៀបចំនៅទីលានបាល់ទះរបស់សាលា ដែលមានទីតាំងស្ថិតនៅជិតវិទ្យាល័យ ឥន្ទ្រទេវី ។

បើតាមលទ្ធផលដែលគណៈកម្មការរៀបចំការប្រកួតបានផ្តល់ជូន បានអោយដឹងថា សម្រាប់ការប្រកួតបាល់ទះកម្រិតបឋមសិក្សា ជ័យលាភី លេខ១ បានទៅលើក្រុមបាល់ទះ ថ្នាក់ទី៦ A លេខ២ បានទៅលើថ្នាក់ទី៥A ចំពោះការប្រកួតបាល់ទះកម្រិតអនុវិទ្យាល័យ ជ័យលាភីលេខ១ បានទៅលើក្រុមបាល់ទះ ថ្នាក់៩ B ជ័យលាភីលេខ២ បានទៅលើក្រុមបាល់ទះ ថ្នាក់៩ A រីឯការប្រកួតបាល់ទះកម្រិតវិទ្យាល័យ ផ្នែកបុរស ជ័យលាភីលេខ១ បានទៅលើក្រុមបាល់ទះថ្នាក់ទី១០A ជ័យលាភីលេខ២ បានទៅលើក្រុមបាល់ទះថ្នាក់ទី១២ ខណៈការប្រកួតបាល់ទះផ្នែកនារី ជ័យលាភីលេខ១ បានទៅលើក្រុមបាល់ទះ អនុវិទ្យាល័យ ដោយបានយកឈ្នះទៅក្រុមជ័យលាភីលេខ២ ក្រុមនារីវិទ្យាល័យ ។

លោកម៉ុន សុខជា បានអោយដឹងថា សម្រាប់កីឡាកាលណាបង្កើតឡើងនៅក្នុងសាលាបែបនេះ បានរួមចំណែកជួយច្រើនណាស់ចំពោះសិស្សានុសិស្ស ទី១ ជួយឲ្យពួកគេទទួលបានសុខមាលភាពល្អរឹងមាំ ជួយឲ្យប្រាជ្ញាស្មារតីឆ្លាតវៃ ជួយបង្រៀនឲ្យសិស្សសាលានុសិសស្សទទួលបានចំណេះដឹងបទពិសោធន៍នៃការសហការណ៍គ្នាធ្វើការជាក្រុម និង ទប់ស្តាត់មិនឲ្យសិស្សទៅធ្វើរឿងដែលមិនល្អនៅក្នុងសង្គម ។

សូមបញ្ជាក់ថា ការប្រកួតកីឡាបាល់ទាត់ទះពានរង្វាន់ពានរង្វាន់GVAលើកទី១ ឆ្នាំ២០២៤ មានក្រុមចូលរួមប្រកួតចំនួន១៧ក្រុម បែកចេញ ជា៣កម្រិត សិស្សបឋម អនុវិទ្យាល័យ និងវិទ្យាល័យ ដែើដំណើរការប្រកួតចាប់ពីថ្ងៃទី១៥ ខែ កុម្ភរហូតដល់ថ្ងៃទី២៣ ខែ កុម្ភៈ ឆ្នាំ២០២៤ ៕