ទិវារត់ប្រណាំងអន្តរជាតិពាក់កណ្តាលម៉ារ៉ាតុងលើទី៩ នឹង រៀបចំឡើង នៅ ខេត្តព្រះសីហនុ

(ភ្នំពេញ)៖ ថ្លែងក្នុងសន្និសិទសារព័ត៌មាន ប្រកាសរៀបចំទិវារត់ប្រណាំងអន្តរជាតិ ពាក់កណ្តាល ម៉ារ៉ាតុងលើកទី៩ នាខេត្តព្រះសីហនុ នាព្រឹកថ្ងៃទី១៨ ខែ មីនា ឆ្នាំ២០២៤ នៅអាគារ គណៈកម្មាធិការជាតិអូឡាំពិកកម្ពុជា ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំយុវជន និងកីឡា និងជាអគ្គលេខាធិការ ជាតិ គណៈកម្មាធិការជាតិអូឡាំពិកកម្ពុជា បានលើកឡើងថា ការបង្កើតព្រឹត្តិការណ៍ រត់ប្រណាំងអន្តរជាតិពាក់កណ្តាលម៉ារ៉ាតុង នៅខេត្តព្រះសីហនុ ឡើង វិញ ក្រោយពីខក ខានអស់រយៈពេលប្រមាណជា៣ឆ្នាំ ដោយសារតែវិបត្តិជំងឺកូវិដ១៩ និងខកខាន ដោយសារ តែ ការជួសជុលហេដ្ឋារចនាសម្ព័ន្ធក្នុងខេត្តនោះ ឥលូវការរៀបចំជាថ្មី ដែលគ្រោងរៀបចំនឹង ធ្វើឡើងនៅថ្ងៃទី៧ ខែ មេសា ឆ្នាំ២០៤ ខាងមុខនេះ ក្រៅពីសប្បុរធម៍ ព្រឹត្តិការណ៍នេះ ជាការ ចូលរួមចំណែកបង្វែទស្សនៈទានឲ្យភ្ញៀវជាតិនិងអន្តរជាតិកាន់ តែចាប់ អារម្មណ៍លើខេត្ត ព្រះសីហនុដែលជាខេត្តអភិវឌ្ឍ។

លោកថា ការអភិវឌ្ឍគឺត្រូវទាញទាឲ្យមានការចូលរួមការការពារបរិស្ថានដែលជាអាយុជីវិត យើង ទាំងអស់គ្នា ដ្បិតនៅខេត្តព្រះសីហនុ មានសមុទ្រ និងឆ្នេរដ៏ស្រស់ស្អាត ជាបរិស្ថាន ដែលយើងគ្រប់គ្នាចាំបាច់ចូលរួមថែរក្សា ពិសេស ប្រជាពលរដ្ឋនៅខេត្តនេះផ្ទាល់ត្រូវតែចេះ ចូលរួមការពារនិងថែរក្សាបរិស្ថានអាម័យ និងធនធានជីវៈចម្រុះនៅក្នុងសមុទ្រ។ ឯកឧត្តម បានគូសបញ្ជាក់ទៀតថា ព្រឹត្តិការណ៍រត់នេះ បានបង្កើតឡើងដើម្បី ផ្តល់ជូននូវសុខ មាល ភាពជូនយុវជន និងបំផុសផ្សព្វផ្សាយគោលដៅទេសចរណ៍ទៅកាន់ឆាកអន្តរជាតិ ព្រោះ គោលដៅទៅមុខទៀត ខេត្តព្រះសីហនុនឹងក្លាយជាខេត្តដែលរៀបចំទិវារត់ប្រណាំង អន្តរជាតិ ម៉ារ៉ាតុង៤២គីឡូមែត្រ ព្រោះខេត្តមួយនេះអំណោយផលផ្លូវរត់តាមបណ្តោយឆ្នេរ ដែលមាន សមុទ្រនិងឆ្នេរដ៏ស្រស់ស្អាត ដែលប្រទេសមួយចំនួនពុំមានដូចឡើយ។

លោក សែម ផល្លា នាយកប្រតិបត្តិម៉ារ៉ាតុង បានលើកឡើងថា ទិវារត់ប្រណាំងអន្តរជាតិពាក់ កណ្តាល ម៉ារ៉ាតុងលើកទី៩ នៅខេត្តព្រះសីហនុ ដែលរៀបចំនៅ ថ្ងៃទី៧ ខែ មេសា ខាងមុខ នេះ មានចំនួន៤វិញ្ញសា ដូចជា៖២១គីឡូ ១០គីឡូ ៥គីឡូ និង៣គីឡូមែត្រ សម្រាប់សិស្សា នុសិស្សនិងលក្ខណៈគ្រួសារ។ នាយកប្រតិបត្តិរូបនេះ បានបញ្ជាក់ទៀតថា គិតមកត្រឹមថ្ងៃទី ១៨ ខែ មីនា នេះ អ្នកចុះឈ្មោះ ចូលរួមរត់បានជាង១០០០នាក់ហើយ តែយ៉ាងណា ព្រឹត្តិ ការ ណ៍ រត់នេះ យើងចង់ឲ្យមានចំនួនអ្នកចូលរួមបានច្រើនជាងនេះ ។ ដូច្នោះការចុះឈ្មោះ នៅតែ បន្ដទទួលពាក្យ រហូតដល់ថ្ងៃទី០៥-០៦ ខែមេសា។ជាមួយគ្នានេះ លោក បានអំពាវនាវឲ្យប្រ ជា ពលរដ្ឋចូលរួមឲ្យបានច្រើនចុះឈ្មោះចូលរួមរត់ ដើម្បីរុញព្រឹត្តិការណ៍រត់ ពាក់កណ្ដាល ម៉ារ៉ា តុង តាមឆ្នេរនេះមានភាពល្បីល្បាញ និងទាក់ទាញការចូលរួមកាន់តែច្រើននៅពេលខាងមុខ។ សូមបញ្ជាក់ថា ទិវារត់ប្រណាំងអន្ដរជាតិពាក់កណ្ដាលម៉ារ៉ាតុង លើកទី៩ នៅខេត្តព្រះសីហនុ គិតត្រឹមថ្ងៃកាសជាផ្លូវការនេះ បានទទួលអ្នកចុះឈ្មោះជាង១,១៦០នាក់ហើយ ក្នុងនោះ មាន អ្នករត់ចម្ងាយ ២១គីឡូម៉ែត្រ ជាង ២៥០នាក់, អ្នករត់ចម្ងាយ ១០គីឡូម៉ែត្រជាង ៤៥០នាក់, អ្នករត់ចម្ងាយ ៥គីឡូម៉ែត្រជិត ៣០០នាក់ និងអ្នករត់កម្សាន្ដជាង ៣០០នាក់។ ចំណោម អ្នក ចុះឈ្មោះសរុប ក៏មានជនបរទេសនៅក្នុងស្រុកមានចំនួនជាង ២០០នាក់ផងដែរ៕