អគ្គលេខាធិការសហព័ន្ធកីឡាទូកកានូ និងរ៉ូអ៊ីងកម្ពុជា ចុះពិនិត្យ លើកទឹកចិត្តដល់អត្តពលិក បន្តខិតខំប្រឹងប្រែងហ្វឹកហាត់
នៅថ្ងៃទី០៤ ខែមិថុនា ឆ្នាំ២០២៤ ឯកឧត្តមបណ្ឌិត មាស សារិន អគ្គលេខាធិការសហព័ន្ធ បានចុះពិនិត្យសួសុខទុកលើកទឹកចិត្តដល់ កីឡាករ កីឡាការិនី ដែលកំពុងហ្វឹកហាត់ នៅក្នុងជុំរុំប្រមូលផ្តុំសម្រាប់ត្រៀមការប្រកួតនានា នៅពេលខាងមុខ ។
ក្នុងឱកាសនៃការចុះសួសុខទុកនោះ ឯកឧត្តមបណ្ឌិតក៏បាន ណែនាំដល់គ្រូបង្វឹក កីឡាករ កីឡាការិនី ត្រូវយកចិត្តទុកដាក់ក្នុងបង្ហាត់ នឹងផ្តោតលើវិញ្ញាសា ដែលអាចដណ្តើមយកមេដាយបាន លើឆាកអន្តរជាតិ ។ ឯកឧត្តមបានផ្តល់អនុសាសថា គ្រូបង្វឹក កីឡាករ កីឡាការិនី ត្រូវខិតខំ ស្វែងរកបច្ចេកទេសហ្វឹកហាត់អោយបានល្អ យកចិត្តទុកដាក់ស្តាប់ការណែនាំ របស់គ្រូបង្វឹក និងត្រូវគោរពវិន័យ ទើបប្រភេទកីឡាមួយនេះទទួលបានជោគជ័យ ។
ក្នុងឱកាសនោះដើម្បីជាការលើកទឹកចិត្ត ឯកឧត្តមអគ្គលេខាធិការ ក៏បានឧបត្ថម្ភថវិកាមួយចំនួនផងដែរ ជូនដល់លោកគ្រូបង្វឹក ព្រមទាំងកីឡាករ កីឡាការិនី ជម្រេីសជាតិទូកកម្ពុជា ។
