ហ៊ុល លីដា ៖ មិនហ៊ានសន្យារឿងឈ្នះមេដាយ ប៉ុន្តតាំងចិត្តស្វែងរកលទ្ធផលល្អមួយជូនកម្ពុជា ពីស៊ីហ្គេមនៅវៀតណាម

ប្រណាំងទូក ៖ ហ៊ុល លីដា កីឡាករទូកកានូជម្រើសជាតិ ដែលជាកីឡាករឆ្នើមរបស់ក្លិបកីឡាទូកក្រសួងមហា ផ្ទៃ គឺជាបេក្ខភាពមួយរូប ចូលរួមប្រជែងក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម ។

ហ៊ុល លីដា អះអាងថា បន្ទាប់ពីខ្លួនទទួលបានបច្ចេកទេសពីគ្រូមីយ៉ាន់ម៉ា និងគ្រូជប៉ុនសមត្ថ ភាពគឺ មានការអភិវឌ្ឍខ្លាំងខុសពីឆ្នាំមុនៗ។ដូច្នោះសម្រាប់ការចូលរួមប្រជែងមេដាយក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាមរូបគេមិនហ៊ានសន្យារឿងឈ្នះមេដាយនោះទេ ប៉ុន្តែការតាំងចិត្ត គឺនឹងខិតខំឲ្យអស់ពីលទ្ធភាពស្វែងរកលទ្ធផលល្អជូនកម្ពុជា។

សូមបញ្ជាក់ ហ៊ុល លីដា នឹងចូលរួមប្រកួតប្រជែងក្នុងព្រឹត្តិការណ៍កីឡាស៊ីហ្គេមនៅប្រទេសវៀតណាម លើវិញ្ញាសាទូកកានូ ដោយធ្វើការប្រកួតលើ៣វិញ្ញាសា៕