អបអរសាទរ អត្តពលិកកម្ពុជា ដណ្តើមបានមេដាយប្រាក់ និងសំរឹទ្ធបន្ថែមលើប្រភេទកីឡាការ៉ាតេ ពីព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោកលើកទី១៩ ឆ្នាំ២០២២ នៅប្រទេសហូឡង់

ហូឡង់៖ អបអរសាទរ កីឡាករ ឆេង ច័ន្ទដារ៉ារតនៈ និងកីឡាការិនី ស៊ីម ស្រីនីន ដណ្តើមបានមេដាយប្រាក់ និងមេដាយសំរឹទ្ធម្នាក់០១គ្រឿងបន្ថែមទៀត លើប្រភេទកីឡាការ៉ាតេវិញ្ញាសាសម្តែងអាយុ១៨ឆ្នាំឡើង ពីព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោកលើកទី១៩ ឆ្នាំ២០២២ The 19th World Police and Fire Games 2022 នៅទីក្រុង Rotterdam ប្រទេសហូឡង់។

*សរុបមេដាយកីឡាការ៉ាតេ របស់អង្គភាពកីឡានគរបាលជាតិកម្ពុជាដណ្ដើមបាន : មាស ០១គ្រឿង, ប្រាក់ ០២គ្រឿង, សំរឹទ្ធ ០២គ្រឿង
-វិញ្ញាសា កាតាឯកត្តជនបុរស កីឡាករ ឆេង ច័ន្ទដារ៉ារតនៈ ដណ្ដើមបានមេដាយប្រាក់🥈
-វិញ្ញាសា កាតាឯកត្តជននារី កីឡាការិនី ស៊ីម ស្រីនីន ប្រជែងបានមេដាយសំរឹទ្ធ 🥉
-ប្រយុទ្ធឯកត្តជននារី -55គីឡូក្រាម +18 កីឡាការិនី ស៊ីម ស្រីនីន ក្រសោម បានមេដាយសំរឹទ្ធ 🥉
-ប្រយុទ្ធឯកត្តជនបុរស -70គីឡូក្រាម +18 កីឡាករ ឆេង ច័ន្ទដារ៉ារតនៈ បានមេដាយប្រាក់🥈
-ប្រយុទ្ធឯកត្តជនបុរស -85គីឡូក្រាម +18 កីឡាករ កាក់ សីលាបញ្ញា ដណ្ដើមបានមេដាយមាស 🥇 ។
គួរជម្រាបជូនថា ដោយទទួលបានគោលការណ៍អនុញ្ញាតដ៏ខ្ពង់ខ្ពស់ និងការគាំទ្រយ៉ាងពេញទំហឹង ទាំងថវិកា និងស្មារតី ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃក៏ដូចជាការជួយជំរុញលើកទឹកចិត្តពី ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ទើបអង្គភាពកីឡានគរបាលជាតិកម្ពុជាចម្រាញ់ជ្រើសរើសកីឡាករ កីឡាការិនីដែលមានសមត្ថភាពខ្ពស់ និងបានខិតខំប្រឹងប្រែងយកចិត្តទុកដាក់ហ្វឹកហាត់អស់ពីកម្លាំងកាយចិត្តយ៉ាងខ្ជាប់ខ្ជួន តាំងពី០៦ខែមុនមកម្ល៉េះ ដេីម្បីត្រៀមទៅចូលរួមក្នុងព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី១៩ ឆ្នាំ២០២២ The 19th World Police and Fire Games 2022 នៅទីក្រុង Rotterdam ប្រទេសហូឡង់។ ប្រភេទកីឡាដែលបញ្ជូនចេញទៅប្រកួតប្រជែងលើកនេះទាំង០៦រួមមាន៖ តេក្វាន់ដូ WT វាយសី វាយកូនឃ្លីលើតុ ចំបាប់ យូដូ និងការ៉ាតេ ហើយព្រឹត្តិការណ៍នេះធ្វើឡើងចាប់ពីថ្ងៃទី២២ ដល់៣១ ខែកក្កដា ឆ្នាំ២០២២។ ៕