ការរួមគ្នាអភិរក្ស និងអភិវឌ្ឍកីឡាប្រពៃណីក្នុងអាស៊ានបានបញ្ចប់ដោយផ្លែផ្កា

សិក្ខាសាលាស្តីពីការអភិរក្សកីឡាប្រពៃណីអាស៊ាន និងហ្គេម នៅសណ្ឋាគារសុខា ភ្នំពេញ រយៈពេល២ថ្ងៃ ៨-៩ ខែសីហា ឆ្នាំ២០២២ ក្រោមការរៀបចំរបស់ក្រសួងអប់រំ យុវជន និងកីឡបានបញ្ចប់ ដោយជោគជ័យ ដោយមានសមាជិកទាំងអស់ រួមទាំងម្ចាស់ផ្ទះកម្ពុជា។

ថ្លែងក្នុងឱកាសបិទសិក្ខាសាសា នៅល្ងាចថ្ងៃទី៩ ខែសីហា ឆ្នាំ២០២២ ឯកឧត្តម ប៊ូ ជុំសេរី អនុរដ្ឋលេខាធិការ ក្រសួងអប់រំ យុវជន និងកីឡាមានប្រសាសន៍ថា ក្នុងនាមជាអ្នករៀបចំសិក្ខាសាលា ឯកឧត្តមសម្តែងក្តីរីករាយចំពោះវាគ្មិន និងអ្នកចូលរួមទាំងអស់ដែលមកពីប្រទេសផ្សេងៗ ឬ AMS សម្រាប់គំនិត ធាតុចូល ការពិភាក្សា និងកិច្ចសហប្រតិបត្តិការរបស់សមាជិក ដែលបានអនុញ្ញាតឱ្យយើងធ្វើសិក្ខាសាលាប្រកបដោយផ្លែផ្កាស្តីពីការអភិរក្សកីឡាប្រពៃណីអាស៊ាន និងហ្គេម។
ឯកឧត្តមគូសបញ្ជាក់ថា រយៈពេលពីរថ្ងៃនេះ យើងបាននិងកំពុងពិភាក្សាលើការអភិរក្សកីឡាប្រពៃណី និងហ្គេមក្នុងតំបន់អាស៊ី និងប៉ាស៊ីហ្វិក ការធ្វើឱ្យឡើងវិញនូវកីឡាប្រពៃណី និងហ្គេម ដើម្បីលើកកម្ពស់ការយល់ដឹង និងអត្តសញ្ញាណអាស៊ាននៅក្នុងផែនការការងារអាស៊ានស្តីពីកីឡាឆ្នាំ២០២១-២០២៥។ អាទិភាពប្រធានអាស៊ានឆ្នាំ ២០២២ ក្នុងការពង្រឹងកិច្ចសហប្រតិបត្តិការលើការអភិរក្សកីឡាប្រពៃណី និងហ្គេម ការអភិរក្សកីឡាប្រពៃណី និងហ្គេមនៅក្នុងប្រទេសសមាជិកអាស៊ាន ឱកាស និងបញ្ហាប្រឈមដើម្បីបង្កើនការមើលឃើញ ស្ថានភាពនៃការអភិរក្សកីឡាប្រពៃណី និងហ្គេមនៅអាស៊ីអាគ្នេយ៍ និងការការពារ។ កីឡា និងល្បែងប្រពៃណី តាមរយៈការប្រើប្រាស់បច្ចេកវិទ្យា សេចក្តីព្រាងសេចក្តីប្រកាសអាស៊ាន ស្តីពីការលើកកម្ពស់អត្តសញ្ញាណអាស៊ាន តាមរយៈការការពារកីឡា និងល្បែងប្រពៃណីជាដើម។

ឯកឧត្តម ប៊ូ ជុំសេរី បន្ថែមថា «ការដាក់បញ្ចូល ASEAN TSG ទៅក្នុងកម្មវិធីសិក្សារបស់រដ្ឋសមាជិកអាស៊ាន។ ជាមួយនឹងសកម្មភាពដែលបានរៀបរាប់នេះ ខ្ញុំជឿជាក់ថា យើងជាសមាជិកអាស៊ាននឹងអាចការពារបេតិកភណ្ឌ កីឡាប្រពៃណី និងល្បែងកម្សាន្តរបស់យើងពីការផុតពូជ។ ខ្ញុំសង្ឃឹមថាកូនចៅជំនាន់ក្រោយរបស់យើងនឹងរីករាយជាមួយនឹងអ្វីដែលយើងកំពុងធ្វើសព្វថ្ងៃនេះ»។

ក្នុងនាមក្រសួងអប់រំ យុវជន និងកីឡា និងក្រុមប្រឹក្សាសហគមន៍សង្គមវប្បធម៌អាស៊ាន ឯកឧត្តមសូមអរគុណវាគ្មិន អ្នកចូលរួម អ្នករៀបចំ ជាពិសេសលេខាធិការដ្ឋានអាស៊ាន ដែលបានធ្វើឱ្យសិក្ខាសាលានេះប្រព្រឹត្តទៅដោយរលូន និងមានឥទ្ធិពលយ៉ាងខ្លាំងលើការអភិរក្សបេតិកភណ្ឌ កីឡា និងល្បែងប្រជាប្រិយរបស់យើង។ យើងនឹងបន្តរៀបចំសិក្ខាសាលាមួយបន្ថែមទៀត ស្តីពីការអភិវឌ្ឍតំបន់កីឡា និងតំបន់កម្សាន្ត ក្នុងតំបន់អាស៊ាន រយៈពេល២ថ្ងៃទៀត នាថ្ងៃទី១០-១១ ខែសីហា ឆ្នាំ២០២២។
លោក អ៊ុក ឌីវ៉ង់ អគ្គនាយករង អគ្គនាយកដ្ឋានកីឡានៃក្រសួងអប់រំ យុវជន និងកីឡា បញ្ជាក់ដែរថា ក្នុងនាមជាម្ចាស់ផ្ទះ កម្ពុជាក៏បានធ្វើបទបង្ហាញពីការអភិរក្ស និងអភិវឌ្ឍន៍ប្រភេទកីឡាប្រពៃណីរបស់ខ្លួនផងដែរ។ គោលបំណងចម្បង គឺការលើកកម្ពស់អត្តសញ្ញាណអាស៊ានតាមរយៈការដាក់បញ្ចូលនូវប្រភេទកីឡាប្រពៃណីរៀងៗខ្លួន។ ដូច្នេះគោលដៅរបស់អាស៊ាន នាពេលនេះ គឺរួមគ្នាដើម្បីអភិរក្សនូវប្រភេទកីឡាអត្តសញ្ញាណជាតិ ដែលបណ្តាប្រទេសអាស៊ានទាំងអស់មានពីមុនមក ហើយរួមគ្នាអភិវឌ្ឍន៍ឱ្យក្លាយទៅជាប្រភេទកីឡាទំនើប ដើម្បីត្រៀមដាក់បញ្ចូលការប្រកួតព្រឹត្តិការណ៍ធំៗ ដូចជា ស៊ីហ្គេម និងការប្រកួតផ្សេងៗទៀត៕