ខ្សែបម្រើ Barcelona បន្តឈ្នះពានរង្វាន់ស្ត្រីឆ្នើមរបស់ FIFA

ខ្សែបម្រើ Alexia Putellas របស់ក្លឹប Barcelona បានជាប់ជាកីឡាការិនីល្អបំផុតរបស់ FIFA Women’s Player of the Year ខណៈគ្រូបង្វឹក Chelsea នាង Emma Hayes បានឈ្នះពានរង្វាន់គ្រូបង្វឹកស្ត្រីឆ្នើមប្រចាំឆ្នាំផងដែរ ដោយ បានដឹកនាំ Chelsea លើកពានលីគអង់គ្លេស និងវគ្គផ្តាច់ព្រ័ត្រ Champions League ។

ខ្សែបម្រើសញ្ជាតិអេស្ប៉ាញ Putellas វ័យ ២៧ ឆ្នាំ ទទួលបានពានរង្វាន់បុគ្គលខ្ពស់បំផុតទាំងពីរក្នុងបាល់ទាត់ពិភពលោក ដោយបានឈ្នះ Ballon d’Or កាលពីខែវិច្ឆិកា ។
កីឡាការិនីរូបនេះបានជួយ Barcelona ឈ្នះការប្រកួតពីរដងក្នុងស្រុក ក៏ដូចជាការប្រកួត Women’s Champions League លើកដំបូងរបស់ពួកគេកាលពីរដូវកាលមុន។

នាងជាកីឡាករឆ្នើមក្នុងក្រុម Barca ដែលបានយកឈ្នះ Chelsea ៤-០ ក្នុងវគ្គផ្តាច់ព្រ័ត្រ Champions League និងរក្សាតំណែងជើងឯក Primera Division ។
ភាពលេចធ្លោនេះបាននាំឱ្យ Putellas ទទួលបានពានរង្វាន់ជាច្រើនក្នុងឆ្នាំ២០២១ ដោយជាប់ឈ្មោះជាកីឡាករបាល់ទាត់នារីឆ្នើមប្រចាំឆ្នាំរបស់ Uefa, កីឡាករជម្រើសជាតិអេស្ប៉ាញប្រចាំឆ្នាំ និងបានជាប់ក្នុងបញ្ជី Guardian ក្នុងចំណោមកីឡាការិនីបាល់ទាត់នារីល្អបំផុតទាំង១០០ ៕