Cristiano Ronaldo ផ្ញើសារទៅកាន់អ្នកគាំទ្រ Man Utd បន្ទាប់ពីបានសង្គ្រោះពិន្ទុទល់នឹង Chelsea
បាល់ទាត់ ៖ Cristiano Ronaldo បានសាទរចំពោះការគាំទ្រក្នុងទឹកដី Old Trafford ខណៈដែល Manchester United បានវាយបក ដើម្បីតាមស្មើទល់នឹង Chelsea។
United បានទទួលការបរាជ័យយ៉ាងធ្ងន់ធ្ងរកាលពីសប្តាហ៍មុន ដោយបានចាញ់ Liverpool និង Arsenal ធ្វើអោយមហិច្ឆតាប្រជែងពាន Champions League ត្រូវបានបញ្ចប់។ ខណៈកាលពីយប់មិញ បិសាចក្រហមក៏មើលទៅកំពុងឆ្ពោះទៅរកការបរាជ័យមួយផ្សេងទៀតនៅពេលដែល Marcos Alonso ស៊ុតបញ្ចូលទីឱ្យ Chelsea ប៉ុន្តែ Ronaldo បានសង្គ្រោះ United ១គ្រាប់វិញតាមស្មើនៅពីមុខកីឡដ្ឋាន Stretford End ។
បើទោះបីជាមិនជោគជ័យក្នុងរដូវកាលនេះយ៉ាងក្តី តែបិសាចក្រហមនៅតែមានសន្ទុះពីអ្នកគាំទ្រនៅ Old Trafford ដើម្បីជាកម្លាំងចិត្ត ដែលបានធ្វើអោយ Ronaldo រំភើប និងបានសរសើរការខិតខំប្រឹងប្រែងរបស់ពួកគេ។
Ronaldo បាននិយាយនៅលើប្រព័ន្ធផ្សព្វផ្សាយសង្គមថា “សូមអរគុណសម្រាប់ការគាំទ្រនៅ Old Trafford យប់នេះ។ ដូចរាល់ដង អ្នកគាំទ្ររបស់យើងពិតជាអស្ចារ្យក្នុងការខិតខំប្រឹងប្រែងរបស់ពួកគេក្នុងការជួយក្រុម” ។ Ronaldo បានដឹកនាំ United នៅក្នុងរដូវកាលនេះ ដោយបានបំបែករបាំងការពារគ្រាប់បាល់ចំនួន 20 នៅពេលដែលគាត់ត្រលប់ទៅ Premier League៕
ប្រភព ៖ The Sun