ទីបំផុត! Real Madrid ព្រមដាក់ Gareth Bale អោយចូលលេងហើយសម្រាប់ការប្រកួតវគ្គផ្តាច់ព្រ័ត្រ Champions League នៅចុងសប្តាហ៍នេះ

បាល់ទាត់ ៖ ការប្រកួតវគ្គផ្តាច់ព្រ័ត្រ Champions League រវាង Real Madrid នឹង Liverpool នៅថ្ងៃសៅរ៍សប្តាហ៍នេះនឹងក្លាយជាការប្រកួតលើកចុងក្រោយសម្រាប់ Gareth Bale ដែលអាចអោយគាត់អាចបង្ហាញទម្រង់លេងដ៏អស្ចារ្យសម្រាប់ក្លឹបមុនពេលចាកចេញ ។

កីឡាករសញ្ជាតិវេលស៍ នឹងចាកចេញពីក្លឹប Real Madrid នៅចុងបញ្ចប់នៃរដូវកាលនេះ បន្ទាប់ពីកិច្ចសន្យាផុតកំណត់ ក្រោយស្នាក់នៅក្នុងរដ្ឋធានីអេស្ប៉ាញរយៈពេល 9 ឆ្នាំ ។

សូមរំលឹកថា ពេលវេលាដ៏អស្ចារ្យបំផុតរបស់ Gareth Bale សម្រាប់ក្លឹបបានកើតឡើងកាលពី 4 ឆ្នាំមុន នៅពេលដែលគាត់បានស៊ុតបាល់បញ្ចូលទីពីរដង ខណៈដែលក្រុមយក្សអេស្ប៉ាញបានយកឈ្នះក្រុមហង្សក្រហម 3-1 ក្នុងការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ។

គួរអោយដឹងផងដែរថា កីឡាករផ្សេងទៀតដែលគ្រោងនឹងចាកចេញពី Real Madrid នៅរដូវក្តៅនេះរួមមានប្រធានក្រុម Marcelo, Isco, Luka Jovic និង Mariano Diaz ៕

ប្រភព ៖ Daily Mail