Muller ផ្ញើសារទៅកាន់ Lewandowski បន្ទាប់ពី Bayern Munich ស្ថិតក្នុងពូល Champions League ជាមួយ Barcelona
បាល់ទាត់ ៖ កីឡាករ Thomas Muller បានផ្ញើសារពិសេសមួយទៅកាន់ Robert Lewandowski បន្ទាប់ពី Bayern Munich ត្រូវជួបជាមួយ Barcelona ក្នុងវគ្គចែកពូល Champions League ។
បួនក្រុមដែលត្រូវបានចាប់ឆ្នោតស្ថិតក្នុងពូល Cសម្រាប់ការប្រកួត Champions League មានដូចជា Barcelona ជួប Bayern ខណៈ Inter ត្រូវជួប Viktoria Plzen ។
បន្ទាប់ពីការចាប់ឆ្នោត Muller បានបង្ហោះនៅលើ Instagram ផ្ញើសារទៅកាន់អតីតមិត្តរួមក្រុមដោយបញ្ជាក់ថា៖ “ពិតជាគូរដ៏ល្អសម្រាប់អ្នកគាំទ្របាល់ទាត់ទាំងអស់! Mr. Lewan-goal-ski ជួបគ្នាឆាប់ៗនៅទីក្រុង Munich ។ តោះមករដូវកាល Champions League»។
Lewan-goal-ski គឺជាឈ្មោះហៅក្រៅដែល Muller ផ្តល់ឱ្យ Lewandowski នៅពេលពួកគេជាមិត្តរួមក្រុម។ការប្រកួតនឹងឃើញ Lewandowski ជួបជាមួយ Bayern ជាលើកដំបូងចាប់តាំងពីការផ្ទេរក្នុងចំនួនទឹកប្រាក់ដ៏ច្រើនពី Allianz Arena ទៅ Camp Nou នៅរដូវក្តៅនេះ។
គួរអោយដឹងផងដែលថា Lewandowski បានជួយឱ្យក្រុមអាល្លឺម៉ង់កត់ត្រាជ័យជម្នះ ៣-០ លើក្រុម Barca ក្នុងឆ្នាំ ២០២២-២៣ ប៉ុន្តែក្លឹបយក្សអេស្ប៉ាញនឹងត្រូវបានគេរំពឹងថានឹងរៀបចំការប្រកួតឱ្យកាន់តែប្រសើរឡើងនៅពេលនេះ។
Lewandowski និង Barca នឹងត្រលប់មកវិញក្នុងការប្រកួត La Liga ទល់នឹង Real Valladolid នៅថ្ងៃអាទិត្យនេះ ខណៈដែល Bayern គ្រោងនឹងវិលទៅកាន់ការប្រកួត Bundesliga ចុងសប្តាហ៍នេះទល់នឹង Union Berlin ៕
ប្រភព ៖ GOAL
សម្រួលអត្ថបទដោយ ៖ គោព្រៃ