លោក Pep Guardiola កំពុងចាប់អារម្មណ៍លើកីឡាករឆ្នើមម្នាក់របស់ក្លឹប Barcelona

លោក PEP GUARDIOLA កំពុងចាប់អារម្មណ៍លើកីឡាករឆ្នើមរបស់ក្លឹប Barcelona គឺ Nico Gonzalez ។ Gonzalez វ័យ ២០ ឆ្នាំគឺជាតារាវ័យក្មេងកំពូលម្នាក់នៅ Camp Nou ។ ដោយបានចូលក្រុមដំបូងក្នុងរដូវកាលនេះ ប៉ុន្តែមានលក្ខខណ្ឌបញ្ចេញតម្លៃ ៥០០ លានផោន។ ខណៈដែរ បច្ចុប្បន្នកីឡាករវ័យក្មេងរូបនេះរកបានត្រឹមតែ ១០,០០០ ផោនក្នុងមួយសប្តាហ៍ប៉ុណ្ណោះ។

Barca បានពន្យារពេលបន្តកិច្ចសន្យាជាច្រើន ដោយ Gonzalez និងមិត្តរួមក្រុម Gavi កំពុងរងចាំកិច្ចព្រមព្រៀងថ្មី ។ Gonzalez នៅសល់តែ ២០ ខែទៀតប៉ុណ្ណោះលើកិច្ចសន្យាបច្ចុប្បន្នរបស់គាត់។

ហើយប្រសិនបើក្លឹបអេស្ប៉ាញបរាជ័យក្នុងការយល់ព្រមលើកិច្ចសន្យាថ្មីជាមួយ Gonzalez នោះ Man City ត្រៀមខ្លួនរួចរាល់ហើយសម្រាប់នាំយកកីឡាករវ័យក្មេងរូបនេះ នៅរដូវក្តៅនេះ។
គួរអោយដឹងថា Gonzalez វ័យ២០ឆ្នាំបានបង្ហាញខ្លួនចំនួន ២៨ លើកសម្រាប់ Barca និងស៊ុតបញ្ចូលទីបាន ២ ដង៕
ប្រភព ៖ The Sun