សំបុត្រកម្មវិធីប្រដាល់ Box Office របស់ Tyson Fury ប្រកួតជាមួយ Dillian Whyte លក់អស់យ៉ាងឆាប់រហ័ស បន្ទាប់ពីប្រកាសលក់តែប៉ុន្មានម៉ោងប៉ុណ្ណោះ

អ្នកប្រដាល់ Tyson Fury បានអបអរនៅលើ Instagram បន្ទាប់ពីសំបុត្រចូលរួមទស្សនាការប្រកួត Box Office របស់គេជាមួយ Dillian Whyte លក់អស់ក្នុងរយៈពេលតែប៉ុន្មានម៉ោងប៉ុណ្ណោះ ខណៈដែលអ្នកគាំទ្រ 90,000 ត្រូវចំណាយរហូតដល់ 5,000 ផោនដើម្បីបានមើលការប្រកួតនៅ Wembley ។

សំបុត្រចូលរួមទស្សនាការប្រកួត អ្នកប្រដាល់ទម្ងន់ធ្ងន់ Tyson Fury ប្រយុទ្ធជាមួយ Dillian Whyte នៅថ្ងៃទី 23 ខែមេសាខាងមុខ បានដាក់លក់នៅពាក់កណ្តាលអធ្រាត្រថ្ងៃទី 2 ខែមីនា។

ទោះជាយ៉ាងណាក៏ដោយ ចំនួនអ្នកដែលចង់ទិញសំបុត្រទស្សនាមានរហូតដល់ 150,000 នាក់ប៉ុន្តែពួកគេបានខកចិត្ត ដោយសារ Wembley អាចផ្ទុកអ្នកទស្សនាបានត្រឹមតែ 90,000 នាក់ប៉ុណ្ណោះ៕

ប្រភព ៖ Daily Mail Sport