ខ្សែការពារ RB Leipzig ម្នាក់ បានក្លាយជាគោលដៅរបស់ MANCHESTER United នារដូវក្តៅនេះ

Man Utd អាចពិបាកបញ្ចប់ចំណាត់ថ្នាក់ទី៤ នៅ Premier បន្ទាប់ពីពួកគេបានស្មើ ០-០ ជាមួយ Watford និងបន្តចាញ់ Man City ៤ទល់១ កាលពីចុងសប្តាហ៍ថ្មីៗនេះ ។ ជាពិសេសនៅក្របខ័ណ្ឌ Champions League ក្រោយស្មើ ១-១ នៅជើងទី១ វគ្គ១៦ ក្រុមចុងក្រោយជាមួយនឹងក្រុម Atletico Madrid ។

បើយោងតាម Fichajes បានអោយដឹងថា គ្រូបង្វឹកបណ្ដោះអាសន្ន Ralf Rangnick មើលឃើញថា ខ្សែការពារស្តាំ Nordi Mukiele ជាកីឡាមួយរូបដែលអាចជួយ United ពង្រឹងក្រុមឡើងវិញ ។ កីឡាករជម្រើសជាតិបារាំងវ័យ ២៤ឆ្នាំ គឺជាកីឡាករសំខាន់របស់ Leipzig នៅរដូវកាលនេះ ដោយបានបង្ហាញខ្លួន ២១ប្រកួត ក្នុងចំណោម ២៨ប្រកួត នៅ Bundesliga ដោយស៊ុតបញ្ចូលទីបាន១គ្រាប់ និងបញ្ជូនបាល់ឱ្យមិត្តរួមក្រុមបាន១ដង ។

Rangnick មានទំនុកចិត្តអាចនាំយក Mukiele ចេញពី Leipzig មក Old Trafford ដើម្បីចាប់ដៃគូជាមួយខ្សែការពារស្តាំបច្ចុប្បន្នរបស់បិសាចក្រហម Aaron Wan-Bissaka និង Diogo Dalot ៕
ប្រភព ៖ The Sun