ក្រុម Arsenal Women បានត្រឹមស្មើគ្នាជាមួយ Wolfsburg ក្នុងការប្រកួតជើងទី១ នៃក្របខ័ណ្ឌ Champions League វគ្គ ១/៤ ផ្តាច់ព្រ័ត្រ

ក្រុមកាំភ្លើងធំ Arsenal Women បានតាមស្មើនៅចុងម៉ោង ជាមួយក្រុម Wolfsburg នៅកីឡដ្ឋាន Emirates ក្នុងការប្រកួតជើងទី១ នៃក្របខ័ណ្ឌ Champions League វគ្គ ១/៤ ផ្តាច់ព្រ័ត្រកាលពីយប់មិញ ។

Wolfsburg ដែលជាក្រុមកំពូលតារាង Frauen Bundesliga របស់អាឡឺម៉ង់ បាននាំមុខមុន ដោយការតែតបាល់បញ្ចូលទីពីចម្ងាយរបស់កីឡាករិនី Tabea Wassmuth បន្ទាប់ពីការបញ្ជូនរបស់ Joelle Wedemeyer ។ ខណៈដែលក្រុមកាំភ្លើងធំបានស៊ុតបញ្ចូលទីនៅនាទីចុងក្រោយ ដោយខ្សែការពារ Lotte Wubben-Moy ។

សូមបញ្ជាក់ថា សម្រាប់ការប្រកួតជើងទី២នឹងធ្វើឡើងនៅកីឡដ្ឋាន Volkswagen Arena នៅថ្ងៃព្រហស្បតិ៍ទី៣១ ខែមីនា សប្តាហ៍ក្រោយ៕
ប្រភព ៖ BBC Sport