Man Utd បង្ហាញចំណាប់អារម្មណ៍ផ្ទេរ តារាឆ្នើមរបស់ Lazio ម្នាក់មកជំនួស Paul Pogba
បាល់ទាត់ ៖ បើយោងតាម Calcio Mercato ដែលបានអះអាងថា MANCHESTER United បានកំណត់អត្តសញ្ញាណតារាឆ្នើមរបស់ Lazio កីឡាករ Sergej Milinkovic-Savic នឹងចង់នាំយកនៅមុនទីផ្សារដោះដូរកីឡាករនៅរដូវក្តៅ ដើម្បីជំនួសតំណែង Paul Pogba។
ទោះជាយ៉ាងណាក៏ដោយ បិសាចក្រហមកំពុងប្រឈមមុខនឹងការប្រជែងលើហត្ថលេខារបស់ខ្សែបម្រើរូបនេះ ខណៈដែល Paris Saint-Germain និង Juventus ក៏កំពុងមានការចាប់អារម្មណ៍ផងដែរ។
ខណៈ Pogba ទំនងជានឹងចាកចេញពី Old Trafford នៅខែមិថុនា នៅពេលដែលកិច្ចសន្យារបស់គាត់ផុតកំណត់ ដោយសារកីឡាករអន្តរជាតិបារាំង បានបដិសេធ ក្នុងការបន្តកុងត្រាដែលនឹងធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតនៅក្នុងក្របខ័ណ្ឌ Premier League ។
ថ្មីៗនេះ Pogba វ័យ 29 ឆ្នាំ បានបាត់បង់ការពេញចិត្តរបស់ហ្វូងមនុស្ស ខណៈដែលអ្នកគាំទ្របានរិះគន់គាត់ក្នុងការប្រកួតពីរលើកចុងក្រោយជាមួយនឹងក្រុម Norwich និង Liverpool ។
សូមបញ្ជាក់ថា កិច្ចសន្យារបស់ Milinkovic-Savic នឹងផុតកំណត់នៅឆ្នាំ 2024 ជាមួយនឹង Romans ថាគាត់ទំនងជាមិនចុះកុងត្រាថ្មីទេ ដូច្នេះហើយគាត់ចង់លក់គាត់នៅរដូវក្តៅនេះ ដើម្បីជៀសវាងការបាត់បង់គាត់ដោយឥតគិតថ្លៃនៅឆ្នាំក្រោយ៕
ប្រភព ៖ The Sun