Arsenal នឹងត្រូវប្រជែងជាមួយ Atletico Madridក្នុងការនាំយកតារា Bayern Munich’

បាល់ទាត់ ៖ ARSENAL ចាប់អារម្មណ៍ក្នុងការនាំយក Marcel Sabitzer មកកាន់ក្លឹបក្នុងកិច្ចព្រមព្រៀងដែលអាចមានតម្លៃ £13million នេះបើយោងតាម ​​Bild ។ ខ្សែបម្រើរបស់ Bayern Munich វ័យ 28 ឆ្នាំ បានមកដល់ក្លឹបជើងឯក Bundesliga កាលពីរដូវក្តៅមុនពីក្លឹប RB Leipzig ។ Marcel Sabitzer សញ្ជាតិអូទ្រីស មានកុងត្រារយៈពេល 3 ឆ្នាំទៀតនៅ Allianz Arena ប៉ុន្តែ Bayern អាចអនុញ្ញាតឱ្យគាត់ចាកចេញបានឆាប់ជាងនេះ។

លោក Mikel Arteta គ្រូបង្វឹកក្រុម Arsenal ចង់ពង្រឹងខ្សែបម្រើ និងបន្ថែមភាពស៊ីជម្រៅបន្ថែមទៀតដល់ក្រុម។ ក្រុម Arsenal ដែលបច្ចុប្បន្នកំពុងឈរនៅលេខរៀងទី 5 ក្នុងតារាង Premier League និងកំពុងប្រជែងគ្នាដណ្តើមចំណាត់ថ្នាក់លេខ 4 ។

គូប្រជែងដ៏មានសក្តានុពលរបស់ពួកគេក្នុងការចុះហត្ថលេខាលើ Sabitzer គឺ Atletico Madrid ដែលអាចផ្តល់ឱ្យគេនូវការប្រកួតសម្រាប់ក្របខ័ណ្ឌ Champions League ។ ក្រុម North London មានពិន្ទុស្មើគ្នាជាមួយ Tottenham ហើយពួកគេត្រូវការជ័យជំនះដើម្បីបញ្ចប់ចំណាត់ថ្នាក់កំពូលទាំងបួន។

សូមបញ្ជាក់ថា ប្រកួតបន្ទាប់ Arsenal ប៉ះ Man United ខណៈ Spurs ធ្វើដំណើរទៅ Brentford ៕

ប្រភព ៖ The Sun