Xavi និយាយថា Frenkie de Jong មិនមែនជាកីឡាសម្រាប់លក់ទេ

បាល់ទាត់ ៖ Xavi ចង់ឱ្យ Frenkie de Jong បន្តនៅ Barcelona “ច្រើនឆ្នាំទៀត” ចំពេលមានពាក្យចចាមអារ៉ាមថាខ្សែបម្រើកណ្តាលរូបនេះចង់ចាក់ចេញទៅ Manchester United ។

លោក Erik ten Hag ដែលជាគ្រូបង្វឹករបស់ United ចាប់អារម្មណ៍ក្នុងការនាំយក De Jong មកកាន់ Old Trafford នៅរដូវក្តៅនេះ។ បុរសវ័យ 52 ឆ្នាំត្រូវបានប្រកាសជាអ្នកចាត់ការអចិន្ត្រៃយ៍បន្ទាប់របស់បិសាចក្រហមកាលពីថ្ងៃព្រហស្បតិ៍ដោយចាប់ផ្តើមរយៈពេល 3 ឆ្នាំនៅទីក្រុង Manchester នៅខែក្រោយ។

ទោះបីជាមានពាក្យចចាមអារ៉ាមក៏ដោយ Xavi សង្ឃឹមថា De Jong នឹងនៅជាមួយក្លឹបបច្ចុប្បន្នរបស់គាត់លើសពីរដូវក្តៅ។ គាត់កំពុងលេងក្នុងកម្រិតដ៏ល្អ ហើយត្រូវតែបន្តនៅទីនេះ – គាត់អាចជាខ្សែបម្រើដ៏ឆ្នើមម្នាក់ក្នុងពិភពលោកសម្រាប់ឆ្នាំខាងមុខ។ Xavi បានទទូចថា “Frenkie de Jong នឹងមិនចាកចេញពីក្លឹបទេ។ គាត់មិនមែនសម្រាប់លក់ទេ យើងចាត់ទុក Frenkie ជាកីឡាករសំខាន់សម្រាប់ Barca”។

សូមរំលឹកថា Ten Hag បានធ្វើការជាមួយកីឡាករវ័យ 24 ឆ្នាំនៅ Ajax មុនពេលគាត់ចូលរួមជាមួយ Barcelona ក្នុងខែកក្កដា ឆ្នាំ 2019។ កីឡាករសញ្ជាតិហូឡង់គឺជាផ្នែកសំខាន់មួយរបស់ក្រុមដែលបានឈ្នះពានរង្វាន់ Eredivisie និង Dutch Cup ក្នុងឆ្នាំ 2018-19 ។ Ajax ក៏បានឈានដល់វគ្គពាក់កណ្តាលផ្តាច់ព្រ័ត្រនៃ Champions League នៅរដូវកាលនោះ៕

ប្រភព : Mirror Football