Man Utd ចង់បានខ្សែការពារវ័យ 19 ម្នាក់របស់ Everton នៅរដូវក្តៅនេះ
បាល់ទាត់ ៖ MANCHESTER United ត្រូវបានគេរាយការណ៍ថា ចាប់អារម្មណ៍ក្នុងការចុះហត្ថលេខាលើខ្សែការពារកណ្តាលវ័យក្មេងរបស់ Everton កីឡាករ Jarrad Branthwaite ។
United ជឿជាក់ថាកីឡាករវ័យ 19 ឆ្នាំមានសក្តានុពលក្នុងការចាប់ផ្តើម និងឈានដល់កម្រិតខ្ពស់ជាមួយពួកគេ ជាងពេលនៅជាមួយក្រុម Everton ។
Branthwaite ត្រូវបានចុះហត្ថលេខាពី Carlisle United ក្នុងតម្លៃ £1million ដោយអតីតអ្នកចាត់ការ Everton ដែលបច្ចុប្បន្នជាអ្នកចាត់ការ Real Madrid គឺលោក Carlo Ancelotti ហើយបានបង្ហាញខ្លួនចំនួន 5 ដងក្នុងរដូវកាលនេះ ដោយស៊ុតបញ្ចូលទីបានមួយគ្រាប់សម្រាប់ Toffees ។
Branthwaite បានចុះកុងត្រាជាមួយ Everton រហូតដល់ឆ្នាំ 2025 កាលពីខែធ្នូឆ្នាំមុន ហើយត្រូវបានគេនិយាយថាជាកីឡាករដែលក្លឹប Merseyside មិនចង់បាត់បង់៕
ប្រភព : The Sun