Giorgio Chiellini នឹងចូលនិវត្តន៍ពីក្រុមជម្រើសជាតិ បន្ទាប់ពីការប្រកួតនៅ Wembley
បាល់ទាត់ ៖ ខ្សែការពារអ៊ីតាលី Giorgio Chiellini នឹងចូលនិវត្តន៍ពីក្រុមជម្រើស បន្ទាប់ពីការប្រកួតមិត្ត ភាពរបស់ម្ចាស់ជើងឯកអឺរ៉ុប ជាមួយអាហ្សង់ទីននៅ Wembley ក្នុងខែមិថុនា។
កីឡាករវ័យ 37 ឆ្នាំរូបនេះបានបង្ហាញខ្លួនចំនួន 116 ប្រកួត នឹងបានចូលរួមលេងសម្រាប់ក្រុមជម្រើសជាតិ ដែលធ្លាក់ចេញពីការប្រកួតបាល់ទាត់ពិភពលោកនៅឆ្នាំនេះនៅប្រទេសកាតា ។
Chiellini បានប្រាប់ DAZN បន្ទាប់ពី Juventus យកឈ្នះ Sassuolo 2-1 ថា “ខ្ញុំនឹងនិយាយលាក្រុមជម្រើសជាតិនៅ Wembley” ។ ខ្សែការពាររូបនេះបន្ថែមថា “ខ្ញុំចង់និយាយលា Azzurri ជាមួយនឹងការចងចាំដ៏ល្អ។ នោះនឹងក្លាយជាការប្រកួតចុងក្រោយរបស់ខ្ញុំជាមួយអ៊ីតាលី” ។
សូមរំលឹកថា Chiellini បានបង្ហាញខ្លួនជាលើកដំបូងនៅអ៊ីតាលីក្នុងឆ្នាំ 2004 គឺជាតួអង្គសំខាន់នៅក្នុងក្រុមក្នុងការផ្តួលក្រុមអង់គ្លេស ដោយការស៊ុតបាល់ប៉េណាល់ទីក្នុងវគ្គផ្តាច់ព្រ័ត្រនៃការប្រកួតជើងឯកអឺរ៉ុបកាលពីរដូវក្តៅមុន។ Chiellini ដែលបានជួយក្រុមក្លាយជាជើងឯករង Euros ក្នុងឆ្នាំ 2012 ជាប់ចំណាត់ថ្នាក់ទី 5 ក្នុងបញ្ជីកីឡាករដែលលេងច្រើនជាងគេបំផុតរបស់អ៊ីតាលីជាមួយនឹង Andrea Pirlo ៕
ប្រភព ៖ BBC Sport