ខ្សែប្រយុទ្ធក្រុម Blackpool បង្ហើបថា ខ្លួនជាខ្ទើយ

បាល់ទាត់ ៖ កីឡាកររបស់ក្លឹប BLACKPOOL វ័យ 17 ឆ្នាំ បានបើកចំហ ថាខ្លួនជាខ្ទើយ។ ខ្សែប្រយុទ្ធ Jake Daniels គឺជាកីឡាករបាល់ទាត់អាជីពដែលហ៊ានបង្ហាញជាសាធារណ ចាប់តាំងពីអតីតតារា Nottingham Forest កីឡាករ Justin Fashanu ។ កីឡាករវ័យក្មេងរូបនេះ បាន ទទួលការគាំទ្រយ៉ាងពេញទំហឹងពីមិត្តរួមក្រុម និងមន្ត្រីនៅក្លឹប Championship របស់ខ្លួន។

Jake Daniels បានប្រាប់ Sky Sports ថា “ពេលនេះជាពេលវេលាត្រឹមត្រូវដើម្បីបា្រប់អ្នករាល់គ្នា ។ ខ្ញុំមានអារម្មណ៍ថា ខ្ញុំត្រៀមខ្លួនរួចជាស្រេចដើម្បីប្រាប់មនុស្សអំពីរឿងរបស់ខ្ញុំ។ ខ្ញុំចង់ឱ្យមនុស្សដឹងពីការពិតរបស់ខ្ញុំ។ “ខ្ញុំបានគិតយូរហើយ ថាតើខ្ញុំចង់ធ្វើយ៉ាងម៉េច ពេលខ្ញុំចង់ធ្វើវា ខ្ញុំដឹងថាពេលនេះដល់ពេលហើយ ។ យុវជនរូបនេះ បាននិយាយថា ខ្ញុំលែងចង់រស់នៅក្នុងភាពកុហកទៀតហើយ បន្ទាប់ពីដឹងថាខ្ញុំជាខ្ទើយតាំងពីតូច ប្រហែលជាអាយុ 5 ឬ 6 ឆ្នាំ ។

ដូច្នេះវាមានរយៈពេលវែងហើយដែលខ្ញុំរស់នៅជាមួយការកុហក។ “នៅអាយុនោះ អ្នកពិតជាមិននឹកស្មានថា បាល់ទាត់ និងការស្រលាញ់ភេទដូចគ្នា មិនលាយឡំគ្នានោះទេ អ្នកគ្រាន់តែគិតថា ថ្ងៃណាមួយ នៅពេលដែលខ្ញុំកាន់តែចាស់ ខ្ញុំនឹងទទួលបានមិត្តស្រី ហើយខ្ញុំនឹងផ្លាស់ប្តូរ ហើយវានឹងល្អ៕

ប្រភព ៖ The Sun