Liverpool គ្រោងចែកផ្លូវជាមួយ Sadio Mane ក្រោយបរាជ័យនៅវគ្គផ្តាច់ព្រ័ត្រនៃក្របខ័ណ្ឌ Champions League

បាល់ទាត់ ៖ Liverpool នឹងពិចារណាលើអនាគត Sadio Mane ប្រសិនបើក្លឹបណាមួយត្រៀមចំណាយលើសពី 35 លានផោនសម្រាប់តារាសេណេហ្គាល់។ ខណៈក្លឹប Bayern Munich ត្រូវបានរាយការណ៍ថា ចង់ចុះហត្ថលេខាស្របពេលដែរកីឡាករវ័យ 30 ឆ្នាំរូបនេះ ក៏ចាប់អារម្មណ៍នឹងការផ្លាស់ប្តូរទៅកាន់ប្រទេសអាល្លឺម៉ង់។

Mane បាននិយាយនៅក្នុងថ្ងៃសារព័ត៌មានមុនការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ថាគាត់នឹងផ្តល់ ‘ចម្លើយដ៏ល្អ’ អំពីអនាគត បន្ទាប់ពីការប្រកួតជាមួយនឹងក្រុម Real Madrid ។

សូមបញ្ជាក់ថា Mane បានចូលរួមជាមួយ Liverpool ក្នុងខែមិថុនា ឆ្នាំ 2016 នឹងជួយក្លឹបឈ្នះពានធំចំនួន 6 រួមទាំង Premier League និង Champions League បូករួមទាំងបានបញ្ចប់ក្នុងនាមជាអ្នកឈ្នះស្បែកជើងមាសរួមគ្នាផងដែរ៕

ប្រភព ៖ Daily Mail