Aurelien Tchouameni “យល់ព្រមចុះហត្ថលេខាជាមួយ Real Madrid ធ្វើអោយ Liverpool ខកចិត្តយ៉ាងខ្លាំង

បាល់ទាត់ ៖ គោលដៅផ្ទេររបស់ LIVERPOOL កីឡាករ Aurelien Tchouameni ត្រូវបានគេរាយការណ៍ថាបានយល់ព្រមចូលរួមជាមួយគូប្រជែងចុងក្រោយនៃក្របខ័ណ្ឌ Champions League គឺក្រុម Real Madrid នៅរដូវក្តៅនេះ ។ យោងតាម RMC Sport ខ្សែបម្រើការពារ Monaco វ័យ ២២ ឆ្នាំនឹងចូលរួមជាមួយ Real Madrid ក្នុងតម្លៃ ៦៩ លានផោន លើកិច្ចសន្យារយៈពេល៥ឆ្នាំ ។ ដែលធ្វើអោយក្លឹប Liverpool, Manchester United, Arsenal និង Chelsea មានការខកចិត្ត ។

នៅក្នុងបទសម្ភាសន៍ជាមួយ RMC Sport លោក Paul Mitchell នាយកផ្នែកកីឡារបស់ Monaco បានសារភាពថា កីឡាករវ័យ ២២ ឆ្នាំនឹងមិនលេងជាមួយក្លឹប Monegasque នៅរដូវកាលក្រោយនោះទេ។ នៅពេលសួរថាតើគាត់ទៅ Liverpool ឬ Real Madrid ឬយ៉ាងណា Mitchell បានសើចហើយនិយាយថា “ដូចរាល់ដងនៅពេលដែលអ្នកលក់កីឡាករ ត្រូវតែមានសំណងសមរម្យ ។ “គ្រប់គ្នាអាចដឹងថា Aurelien គឺជាកីឡាករកំពូលរបស់ក្លឹប ហើយយើងជាក្លឹបដែលមានមហិច្ឆតាជាមួយម្ចាស់ភាគហ៊ុន “។

សូមបញ្ជាក់ថា Tchouameni បានចូលរួមជាមួយជម្រើសជាតិបារាំងចំនួន៨ដង និងជាកីឡាករសំខាន់ដែលជួយ Monaco ទៅកាន់ចំណាត់ថ្នាក់លេខ៣ Ligue 1 បញ្ចប់រដូវកាលនេះ ដោយបង្ហាញខ្លួនចំនួន ៥០ ដងពេញមួយឆ្នាំ និងបង្ហាញខ្លួន ៩៥ ប្រកួតឱ្យ Monaco ចាប់តាំងពីបានចុះហត្ថលេខាពី Bordeaux ក្នុងតម្លៃ ១៦ លានផោនក្នុងខែមករាឆ្នាំ ២០២០ ៕

ប្រភព ៖ The Sun