Bayern Munich កាន់ឃ្លាតឆ្ងាយពីពាន Bundesliga រដូវកាលនេះ
ស្ថានភាពក្រុម Bayern Munich និង Thomas Tuchel កាន់តែយ៉ាប់យឿន ខណៈដែលក្រុមយក្សអាឡឺម៉ង់បានចាញ់ការប្រកួតទីបីរបស់ពួកគេជាប់ៗគ្នាបន្ទាប់ពីត្រូវបានក្រុម VFL Bochum យកឈ្នះក្នុងលទ្ធផល ៣-២ ។
Bayern បានរងបរាជ័យយ៉ាងធ្ងន់ធ្ងរ ៣-០ ដោយគូប្រជែងដណ្តើមជើងឯក Bundesliga Bayer Leverkusen កាលពីសប្តាហ៍មុន មុនពេលពួកគេក៏បានចាញ់ក្រុម Lazio ១-០ ក្នុងជើងទីមួយនៃការប្រកួត Champions League វគ្គ ១៦ ក្រុមចុងក្រោយរបស់ពួកគេកាលពីថ្ងៃពុធ។
Bayern ឥឡូវឈរនៅពីក្រោយក្រុម Leverkusen ចំនួន ៨ ពិន្ទុ ដោយក្តីសង្ឃឹមក្នុងការដណ្តើមពាន Bundesliga កាន់តែឃ្លាតឆ្ងាយជាលើកដំបូងចាប់តាំងពីឆ្នាំ ២០១១- ១២ ដោយបានឈ្នះវា ១១ រដូវកាលជាប់ៗគ្នា ។
ប្រែសម្រួល ៖ Dailymail