សាលាគុន សុរិយា ការ៉ាតេ-ដូ សូតូកង់ រៀបចំការប្រកួត លើកទឹកចិត្តសិស្សឆ្នើមកម្រិតឃ្យូ អាយុក្រោម ១៥ឆ្នាំ

នាព្រឹកថ្ងៃទី១១ ខែវិច្ឆិកា ឆ្នាំ២០២៣ សាលាគុន សុរិយា ការ៉ាតេ-ដូ សូតូកង់ បានរៀបចំការប្រកួតជ្រើសរើសសិស្សឆ្នើមកម្រិតឃ្យូ អាយុក្រោម ១៥ឆ្នាំ ប្រចាំសាលាគុន ឆ្នាំ២០២៣ នៅមជ្ឈមណ្ឌលកីឡាយុទ្ធសិល្ប៍បុរាណកម្ពុជា-ជប៉ុន (ស្តាតអូឡាំពិក) ដើម្បីអបអរសាទរគម្រប់ខួបលើកទី១២ នៃការបង្កើតសាលាគុននេះឡើង និងលើកទឹកចិត្តដល់សិស្សានុសិស្សទាំងអស់ឱ្យខិតខំហ្វឹកហាត់ ហើយមានឱកាសបង្ហាញសមត្ថភាពតាមរយៈការប្រកួតប្រជែងជាមួយសិស្សានុសិស្សរួមសាលាគុនផងដែរ។

ជាលទ្ធផល សិស្សចំនួន៤រូបបានទទួលជ័យលាភី និងក្លាយជាសិស្សឆ្នើមប្រចាំសាលាក្នុងឆ្នាំ២០២៣ មានដូចជា៖
១. កុមារ៉ា ប៊ុណ្ណារ៉ាត់ សុគន្ធារាជ ទទួលបានមេដាយមាស (ចំណាត់ថ្នាក់លេខ១)
២. កុមារ៉ា គឿន ពុទ្ធបញ្ញា ទទួលបានមេដាយប្រាក់ (ចំណាត់ថ្នាក់លេខ២)
៣. កុមារី ស៊ីម បញ្ញាវតី ទទួលបានមេដាយសំរឹទ្ធ (ចំណាត់ថ្នាក់លេខ៣)
៤. កុមារ៉ា Shen Xiaonian ទទួលបានមេដាយសំរឹទ្ធ (ចំណាត់ថ្នាក់លេខ៣)។

សូមបញ្ជាក់ផងដែរ សាលាគុន សុរិយា ការ៉ាតេ-ដូ សូតូកង់ ត្រូវបានបង្កើតឡើងនៅថ្ងៃទី១១ ខែវិច្ឆិកា ឆ្នាំ២០១១ ដែលមានរយៈពេល១២ឆ្នាំមកហើយ ដោយគិតត្រឹមឆ្នាំ២០២៣នេះ។ ហើយជារៀងរាល់ឆ្នាំ នៅថ្ងៃទី១១ ខែវិច្ឆិកា សាលាគុនតែងតែរៀបចំពិធីដើម្បីផ្សេងៗ ដើម្បីរំលឹកដល់បុព្វហេតុនៃការបង្កើតសាលាគុននេះ ក៏ដូចជាអបអរសាទរដែលសាលាគុនអាចបន្ដបណ្ដុះបណ្ដាលធនធានមនុស្សក្នុងវិស័យការ៉ាតេនៅកម្ពុជាផងដែរ។