សាលារៀនGVAបង្កើតព្រឹត្តិការណ៍ប្រកួតកីឡាដើម្បីផ្តល់ជូននូវសុខភាពនិងលើកកម្ពស់ស្មារតីដល់សិស្ស

ភ្នំពេញ៖ លោក ម៉ុន សុខ ជា នាយសាលាGVA បានថ្លែង ក្នុងពិធីបើកព្រឹត្តិការណ៍ការប្រកួតកីឡាបាល់ទះពានរង្វាន់GVAលើកទី១ ឆ្នាំ២០២៤ថា ការប្រកួតបាល់ទះដែលសាលារៀបចំឡើងនេះ មានគោលបំណង ចូលរួមលើកតម្កើនអភិវឌ្ឍវិស័យកីឡា និងផ្តល់ឱកាសឲ្យសិស្សនៅក្នុងសាលាបានប្រកួតប្រជែងបញ្ចេញសមត្ថភាព។

លោកថា សម្រាប់កីឡាកាលណាបង្កើតឡើងនៅក្នុងសាលាបែបនេះ បានរួមចំណែកជួយច្រើនណាស់ចំពោះសិស្សានុសិស្ស ទី១ ជួយឲ្យពួកគេទទួលបានសុខមាលភាពល្អរឹងមាំ ជួយឲ្យប្រាជ្ញាស្មារតីឆ្លាតវៃ ជួយបង្រៀនឲ្យសិស្សសាលានុសិសស្សទទួលបានចំណេះដឹងបទពិសោធន៍នៃការសហការណ៍គ្នាធ្វើការជាក្រុម និង ទប់ស្តាត់មិនឲ្យសិស្សទៅធ្វើរឿងដែលមិនល្អនៅក្នុងសង្គម ។

កីឡាការិនី ហ៊ន បូរីយ៉ា បានចាត់ទុកព្រឹត្តិការណ៍ប្រកួតកីឡានេះ គឺជាការបង្ហាត់បង្រៀនផ្តល់នូវបទពិសោធន៍នៃកិច្ចសហការជាក្រុមដែលនឹងជួយឲ្យពួកគេប្រើប្រាស់សម្រាប់សកម្មភាពបំរើការងារនៅពេលអនាគត។
សូមបញ្ជាក់ថា ការប្រកួតកីឡាបាល់ទាត់ទះពានរង្វាន់ពានរង្វាន់GVAលើកទី១ ឆ្នាំ២០២៤ មានក្រុមចូលរួមប្រកួតចំនួន១៧ក្រុម បែកចេញ ជា៣កម្រិត សិស្សបឋម អនុវិទ្យាល័យ និងវិទ្យាល័យ ដែលដំណើរការប្រកួតចាប់ពីថ្ងៃទី១៥ ខែ កុម្ភរហូតដល់ថ្ងៃទី២៣ ខែ កុម្ភៈ ឆ្នាំ២០២៤ ៕