Eddie Hearn បដិសេធការភ្នាល់ $1 លានដុល្លារពី Jake Paul បន្ទាប់ពីជ័យជំនះរបស់កីឡាការិនី Katie Taylor
ប្រដាល់ ៖ Eddie Hearn បានច្រានចោលការភ្នាល់ 1 លានដុល្លារជាមួយ Jake Paul បន្ទាប់ពីជ័យជម្នះរបស់ កីឡាការិនី Katie Taylor លើកីឡាការិនី Amanda Serrano ។ Taylor បានបន្តកំណត់ត្រាមិនចាញ់សម្រាប់អាជីពរបស់នាងដល់ទៅ 21ប្រកួត និងប្រកួតចុងក្រោយបន្តឈ្នះ Serrano ក្នុងការប្រកួតដណ្តើមខ្សែក្រវាត់ទម្ងន់ស្រាលនៅ Madison Square Garden កាលពីយប់ថ្ងៃសៅរ៍។
មុនពេលការប្រកួត អ្នកផ្សព្វផ្សាយរបស់ Serrano Paul បានប្រកួតប្រជែងជាមួយ Hearn ដែលជាអ្នកតំណាងរបស់ Taylor ឱ្យភ្នាល់ 1 លានដុល្លារ ដោយបុរសទាំងពីរនាក់មានទំនុកចិត្តថាអ្នកប្រដាល់របស់ពួកគេនឹងឈ្នះ។
ទោះជាយ៉ាងណាក៏ដោយ បន្ទាប់ពីជ័យជំនះរបស់ Taylor Hearn បានបដិសេធលុយនេះ ដោយជំរុញឱ្យ Paul បរិច្ចាគប្រាក់នេះទៅអង្គការសប្បុរសធម៌ជំនួសវិញ។ “គាត់អាចរក្សាវាទុកឲ្យអង្គការសប្បុរសធម៌។ យើងបានយល់ព្រមគ្នាជាមុន ព្រោះវាមិនសូវល្អជាមួយមនុស្សមួយចំនួនទេ»។ Hearn បានប្រាប់ iFL TV។ “អ្នកផ្សព្វផ្សាយមិនគួរភ្នាល់លើការប្រយុទ្ធទេ។ យើងមានអ្វីមួយទៀតដែលយើងកំពុងធ្វើទាក់ទងនឹងសប្បុរសធម៌៕
