មិនគួរអោយជឿត្រឹមតែ៤៥ វិនាទី Robert Lewandowski រកបានគ្រាប់បាល់ដំបូងសម្រាប់ Barcelona

បាល់ទាត់ ៖ ខ្សែប្រយុទ្ធចំណូលថ្មី Robert Lewandowski រកបានគ្រាប់បាល់ដំបូងសម្រាប់ Barcelona ត្រឹមតែ ៤៥ វិនាទីនៃការចាប់ផ្តើមប្រកួត – ខណៈដែលក្រុមរបស់ Xavi បានយកឈ្នះក្រុម Real Sociedad ក្នុងលទ្ធផល ៤-១ នៃការប្រកួតក្របខ័ណ្ឌ La-Liga កាលពីរាត្រីថ្ងៃអាទិត្យ ទី២១ ខែសីហា។

គ្រាប់បាល់ដំបូងរបស់ក្រុមអ្នកមានបុណ្យរកបានដោយ Robert Lewandowski ដែលបានប្រើពេលត្រឹមតែ ៤៥ វិនាទីប៉ុណ្ណោះដើម្បីស៊ុតបញ្ចូលទីក្នុងថ្ងៃខួបកំណើតអាយុ៣៤ឆ្នាំរបស់គាត់ មុនពេល Alexander Isak រកគ្រាបាល់បាន១គ្រាប់ជួយក្រុមម្ចាស់ផ្ទះតាមស្មើវិញ នៅនាទី៦ ។ ឈានចូលវគ្គទី២ Ousmane Dembele រកបានគ្រាប់បាល់ទី២ នៅនាទី៦៦មុនពេល Lewandowski បន្ថែមមួយគ្រាប់ទៀតដែលជាគ្រាប់បាល់ទី៣ នៅនាទី៦៨ និងគ្រាប់បាល់ទី៤ របស់ Ansu Fati វ័យ១៩ ឆ្នាំដែលបានជួយឱ្យ Barcelona ឈ្នះ ៤-១ លើក្រុម Real Sociedad ។
សូមបញ្ជាក់ថា សម្រាប់ជ័យជំនះនេះបានជួយអោយក្រុម Barcelona ស្ថិតនៅលេខ៥ក្នុងតារាង នៃក្របខ័ណ្ឌ La-Liga ឆ្លងកាត់២ប្រកួត ឈ្នះ១ ស្មើ១ មាន៤ពិន្ទុ ៕

ប្រភព ៖ Daily Mail