Samuel Umtiti នឹងទៅចូលរួមជាមួយក្លឹប Serie A លើការផ្ទេរខ្ចីជើងពេញមួយរដូវកាល

បាល់ទាត់ ៖ កីឡាករ Samuel Umtiti របស់ក្លឹប BARCELONA ត្រូវបានកំណត់សម្រាប់ការផ្ទេរទៅក្លឹបអ៊ីតាលី Lecce ក្នុងលក្ខ័ណខ្ចីជើងពេញមួយរដូវកាល។ ខ្សែការពាររូបនេះបានបាត់បង់ប្រជាប្រិយ៍ភាពនៅ Nou Camp បន្ទាប់ពីមានរបួសជាច្រើនរដូវកាល។ហើយលោក Fabrizio Romano អះអាងថា Umtiti ឥឡូវនេះជិតឈានដល់ការផ្លាស់ប្តូរទៅ Serie A ជាមួយ Lecce ដែលទើបនឹងឡើងទៅកាន់ Serie A ។

ម្ចាស់ជើងឯក Serie B រដូវកាលមុនបានចាប់ផ្តើមពេលវាលាដ៏អាក្រក់ចំពោះយុទ្ធនាការថ្មី ដោយត្រូវបានទម្លាក់ចេញពីការប្រកួត Coppa Italia ដោយ Cittadella មុនពេលចាញ់ការប្រកួតលីកក្រោមស្នាដៃក្រុម Inter Milan និង Sassuolo ។
ដូច្នេះប្រធានក្លឹបសង្ឃឹមថា Umtiti នឹងក្លាយជាកីឡាករដែលជួយក្លឹបអោយងើបឡើងវិញ ហើយត្រៀមទទួលការពិនិត្យសុខភាពក្នុងសប្តាហ៍នេះ។

សូមរំលឹកថា កីឡាករវ័យ ២៨ ឆ្នាំរូបនេះបានចូលរួមជាមួយ Barcelona តាំងពីឆ្នាំ ២០១៦ បន្ទាប់ពីចាកចេញពី Lyon ក្នុងតម្លៃ ២០ លានផោន។ក្នុងរយៈពេល៦ឆ្នាំ Umtiti បានបង្ហាញខ្លួនតែ ១៣៣ ប្រកួតប៉ុណ្ណោះ ហើយបានបង្ហាញខ្លួនត្រឹមតែម្តងកាលពីឆ្នាំមុន៕
ប្រភព ៖ The Sun

សម្រួលអត្ថបទដោយ ៖ គោព្រៃ