ក្លឹបធំពីរនៅអង់គ្លេស បង្ហាញការចាប់អារម្មណ៍លើខ្សែការពារឆ្វេងរបស់ Brighton

បាល់ទាត់ ៖ ក្លឹបធំពីរនៅអង់គ្លេសក្នុងនោះរួមមាន MANCHESTER CITY និង Chelsea កំពុងបង្ហាញចំណាប់អារម្មណ៍ លើកីឡាករ Marc Cucurella របស់ Brighton ។ លោក Pep Guardiola បានកំណត់អត្តសញ្ញាណកីឡាករអេស្ប៉ាញថា ជាកីឡាករដ៏ល្អសម្រាប់ក្រុម របស់គាត់នៅរដូវក្តៅនេះ ។

Cucurella បានបង្ហាញសមត្ថភាពដ៏អស្ចារ្យ ដោយបានឈ្នះពានកីឡាករឆ្នើមប្រចាំរដូវកាលរបស់ Brighton ដែលធ្វើអោយមានការទាក់ទាញចំណាប់អារម្មណ៍ជាច្រើន ដោយ Chelsea ក៏កោតសរសើរអតីតកីឡាករវ័យក្មេងរបស់ Barcelona ផងដែរ។

សូមបញ្ជាក់ថា ក្រុម Seagulls បានចុះហត្ថលេខានាំយក ខ្សែការពារស្លាបឆ្វេងវ័យ ២៣ឆ្នាំពីក្រុម Getafe របស់ អេស្ប៉ាញកាលពីរដូវក្តៅមុនក្នុងតម្លៃប្រហែល ១៥លានផោន ៕

ប្រភព ៖ The Sun