Edinson Cavani ចង់ចូលរួមជាមួយក្លឹបនៅ LaLiga បន្ទាប់ពីចាកចេញពី Man Utd

បាល់ទាត់ ៖ បើយោងតាម Mundo Deportivo បានអោយដឹងថា EDINSON CAVANI វ័យ ៣៥ ឆ្នាំបច្ចុប្បន្នជាកីឡាករដែលគ្មានតម្លៃខ្លួនបន្ទាប់ពីចាកចេញពី Manchester United បានប្រាប់អ្នកតំណាងរបស់ខ្លួនឱ្យស្វែងរកក្លឹប នៅលីគ LaLiga ។ ខណៈ Atletico Madrid ជាគោលដៅសក្តានុពលសម្រាប់ Cavani កាលពីអតីតកាល ។

ប្រសិនបើការផ្លាស់ប្តូរទៅកាន់ប្រទេសអេស្ប៉ាញមិនអាចទៅរួចនោះ ការផ្ទេរប្រាក់ដ៏ធំទៅកាន់ MLS ក៏ជាលទ្ធភាពមួយផងដែរ។ស្របពេលដែលខ្សែប្រយុទ្ធជើងចាស់ Cavani កំពុងកំណត់គោលដៅមួយក្នុងក្រុមជម្រើសជាតិអ៊ុយរុយហ្គាយក្នុងយុទ្ធនាការ World Cup នៅចុងឆ្នាំនេះ។

សូមបញ្ជាក់ថា Cavani បានស៊ុតបាល់បញ្ចូលទី ៤ គ្រាប់ក្នុងការបង្ហាញខ្លួន ៣ដងសម្រាប់ប្រទេសនៅអាមេរិកខាងត្បូងនៅដើមខែនេះ។ Cavani ដែលស៊ុតបញ្ចូលទីបាន ៥៨ គ្រាប់ក្នុងការបង្ហាញខ្លួន ១៣៣ ប្រកួតឱ្យក្រុម Uruguay ។
ថ្មីៗនេះ United បានបញ្ជាក់ថា Cavani ជាកីឡាករម្នាក់ក្នុងចំណោមកីឡាករផ្សេងទៀតដែលនឹងចាកចេញនៅរដូវក្តៅនេះ។ ខ្សែប្រយុទ្ធរូបនេះបានស៊ុតបាល់បញ្ចូលទីបានត្រឹមតែពីរដងប៉ុណ្ណោះក្នុងការប្រកួតទាំងអស់កាលពីរដូវកាលមុន ដោយបានស៊ុតបញ្ចូលទីបាន ១៧ ដងក្នុងយុទ្ធនាការដំបូងដ៏គួរឱ្យចាប់អារម្មណ៍នៅ Old Trafford ៕

ប្រភព៖ The Sun